ABC (क्राईमबिट)
काठमाडाैं । सर्लाही बागमती गाउँपालिका वडा नं. २ स्थाई घर भई हाल काठमाडाैं वडा नं. २६ मित्रनगर बस्ने वर्ष २९ की सरस्वती अधिकारीले लोकराज भण्डारीलाई वैदेशिक रोजगारीको लागि कतार पठाईदिन्छु भनी रकम ठगि गरेको आरोपमा प्रहरीले पक्राउ गरेको छ ।
उनले पीडितलाई आकर्षक तलब हुन्छ भनी विश्वास दिलाई प्रलोभनमा पारेर रकम लिई सम्पर्क विहीन भई ठगी गरेकोले वैदेशिक रोजगार विभागबाट पक्राउ गरी उपस्थित गराइदिन हुन भनी पत्राचार भएकोमा काठमाडाैं उपत्यका अपराध अनुसन्धान कार्यालयबाट खटिएको प्रहरी टोलीले अधिकारीलाई गंगबुबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाएको कार्यालयका सूचना अधिकारी एवं प्रहरी उपरीक्षक रविन्द्र रेग्मीले जनाएका छन् ।
