(ABC-Sanchar)
काठमाडौँ । संविधानसभा अध्यक्ष, प्रमुख प्रतिपक्षी दल नेकपा (एमाले) का उपाध्यक्ष एवं एमाले संसदीय दलको उपनेता सुवास नेम्वाङको निधन भएको छ ।
आज राती साढे १ बजे ह्रदयघात भएपछि महाराजगञ्जस्थित त्रिवि शिक्षण अस्पतालमा लगिएकोमा चिकित्सकले मृत्यु भएको जनाएको नेम्वाङको स्वकीय सचिवालय स्रोतले जानकारी दिएको हो ।
नेम्वाङको निधनको खबरपछि प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे र एमाले अध्यक्ष केपी शर्मा ओली त्रिवि शिक्षण अस्पताल महाराजगञ्ज पुगेका छन् । यस्तै उनको निधनपछि एमाले नेता कार्यकर्ताहरु पनि शिक्षण अस्पताल पुगेका छन् ।
नेम्वाङलाई बालुवाटारस्थित निवासमा हृदयघात भएको थियो । ७१ वर्षीय नेम्वाङको पार्थिव शरिर अहिले त्रिवि शिक्षण अस्पतालमा नै छ ।
