(ABC-Sanchar)
दाङ । तुलसीपुरस्थित बिजौरीमा आइतबार बेलुकी दुई मोटरसाइकल एक आसपमा ठोक्किदा दाङका एक जनाको मृत्यु छ । सोही दुर्घटनामा परि सल्यान जिल्लाका दुई जना घाइते भएका छन् ।
दाङको शान्तिनगर गाउँपालिका – ५ का २८ बर्षीय अमृत केसीको उपचारका क्रममा राति ९ बजेतिर तुलसीपुरस्थित राप्ती प्रादेशिक अस्पताल तुलसीपुरमा उपचारका क्रममा मृत्यु भएको इलाका प्रहरी कार्यालय तुलसीपुरले जानकारी दिएको छ ।
बेलुकी सवा ६ बजेतिर तुलसीपुरबाट घोराही तर्फ जान्दै गरेको रा ७ प ६५५४ नम्बरको केसी सवार मोटरसाइकल र घोराहीबाट तुलसीपुर तर्फ आउँदै गरेको रा ४ प ८४६४ नम्बरको मोटरसाइकल तुलसीपुर उपमहानगरपालिका – १८ बिजौरीमा एक आपसमा ठोक्किएका थिए ।
इप्रका प्रमुख डिएसपी ठाकुरप्रशाद पोखरेलका अनुसार टाउको लगायत शरिरका बिभिन्न भागमा गभ्भीर चोट पटक लागेका केसीको उपचारका क्रममा राति नौं बजेतिर मृत्यु भएको हो ।
सोही दुर्घटनामा परि रा ४ प ८४६४ नम्बरको मोटरसाइकल सवार सल्यानका दुई जना घाइते भएका छन् । सल्यान जिल्लको सारदा नगरपािलका – १ श्रीनगरका २४ बर्षीय चाकल दिनेश बुढाथोकीको अनुहार , बायँ हात लगाएतमा चोट लागेको छ । उनको अवस्था मध्यम रहेको डिएपसी पोखरेलले जानकारी दिएका छन् ।
उनको पछाडि सवार शारदा – ६ का २४ बर्षीय कमल केसीपनि घाइते छन् । उनको बायाँ हातमा चोट लागेको भएपनि अवस्था सामान्ने रहेको प्रहरीले जानकारी दिएको छ । घाइते दुबैको तुलसीपुरमै उपचार भइ रहेको छ ।
चालक बुढाथोकीले मापसे गरेको स्वास्थ्य परिक्षण बाट पुष्टि भएको प्रहरीले जानकारी दिएको छ ।
