(सागर थापा)
काठमाडौं । नेपाल प्रहरीमा हालै उपरीक्षक एसपीबाट वरिष्ठ उपरीक्षक एसएसपीमा बढुवा भएका पाँच जना अधिकारीहरूको पदस्थापन भएको छ।
नेपाल सरकार गृहमन्त्रीस्तरको मंसिर ५ गतेको निर्णयअनुसार एसएसपीमा बढुवा भएका वसन्त रजौरे, रविकुमार पौडेल, नवीनराज राई चन्द्रदेव राई वीरबहादुर ओलीको कर्णाली प्रदेश प्रहरी कार्यालय अपराध नियन्त्रण अनुसन्धान महाशाखा बिरेन्द्रनगर सुर्खेत सरुवा एवं पदस्थापन भएको हो।
प्रहरी प्रधान कार्यालय, मानवस्रोत विकास विभाग, कर्मचारी प्रशासन शाखाले बिहीबारको निर्णयअनुसार उनीहरूको पदस्थापन भएको जनाएको छ।
उनीहरूलाई बुधबार प्रहरी महानिरीक्षक आईजीपी वसन्तबहादुर कुँवरले दर्ज्यानी चिह्न लगाइदिएका थिए।
