(ABC-Sanchar)
दाङ । नेपाल पत्रकार महासंघ दाङसहित देशभर यहि जेठ २६ गते तोकिएको निर्बाचनको चहलपहल जिल्ला-जिल्लामा सुरु भएको छ । प्रेस चौतारी नेपाल दाङको तर्फबाट पत्रकार महासंघ दाङको अध्यक्षको लागि जे एन सागर(जयनारायण पुन)लाई अघि सारीएको छ । पुन एमाले निकट चौतारीको जिल्ला अध्यक्ष भएर काम गरिसकेका छन । इन्सेकको जिल्ला प्रतिनिधिकोरुपमा उनि कृयाशिल छन भने नयाँ युगबोध दैनिकमा पनि कार्यरत छ्न । अरु पदाधिकारी चौतारीले अझै टुङ्गाे लगाइसकेको छैन । कांग्रेस निकट प्रेस युनियन दाङले अध्यक्षमा अझै टुङ्गाे लगाएको छैन । युनियनबाट महासंघको उपाध्यक्ष रहेका सन्तोष सुबेदीलाई अघि बढाउने सम्भाबना छ । सुवेदी नेपाल टेलिभिजनका दाङ समाचार दाता हुन । त्यस्तै युनियनको तर्फबाट सचिबमा बर्तमान महासंघकै सचिब आरके सितललाई अघि सार्ने सम्भाबना छ । उपाध्यक्ष लगायत अन्य पद क्षेत्रगतरुपमा बाडेर मिलाउने युनियन भित्र तयारी छ । युनियन भित्र अहिलेकै महासंघमा उपाध्यक्ष रहेकि बसुन्धरा गौतम अध्यक्षको दौडमा छिन । उनि पनि लामो समयदेखि रेडियो स्वर्गद्वारी एफएममा कार्यरत रहेकि छिन । चौतारी र माओबादी केन्द्र निकट प्रेस सेन्टर आपसमा मिलेको खण्डमा यसअघि महासंघको जिल्ला अध्यक्षमा पराजित भएकि लक्ष्मी आचार्यको सम्भाबना पनि बलियो छ । आचार्यले हालसम्म नेतृत्वको बारेमा मुख खोलेकि छैनिन । चौतारी र सेन्टर मिले महासंघमा बामपन्थिहरुको बर्चश्व रहनेछ । उनिहरु मिल्दा युनियन ७ देखि ८ मत कम देखीन्छ । युनियन र सेन्टर मिल्दा आचार्यले चुनाब हारेकाले चौतारी र सेन्टर मिलेको अबस्थामा आचार्य नेतृत्वको दौडमा आए युनियनमाथी नैतिक संकट थपिने छ । आचार्य सेन्टरकि नेता हुन ।
