(रोशन निधि)
पर्सा । वीरगञ्ज महानगरपालिका वडा नं.११ स्थित राम जानकी मठ पछाडी मिति २०८१-०२-२८गते दिउँसो १५:३० बजेको समयमा सरिसवा खोलामा कम्मरमा रातो गम्छा, हरियो सेतो चेक भएको सर्ट, कालो पाईन्ट लगाएको हाल सम्म नामथर वतन नखुलेको अंन्दाजि वर्ष ५०/५१ को पुरुष व्यक्ति मृत अवस्थामा रहेको भन्ने समेतको सूचना प्राप्त भई तत्कालै यस कार्यालय मातहत वडा प्रहरी कार्यालय श्रीपुरबाट soco समेतको प्रहरी टोली खटिगई घटनास्थल लासजाँच प्रकृति मुचुल्का लगायतकाे कार्य सम्पन्न गरी मृतक लास लाई नारायणी अस्पताल वीरगञ्जको शव गृहमा राखी थप अनुसन्धान कार्य भैरहेको ।
साथै मृतकको निम्न लिखितको विवरणको कपडा र हुलिया रहेको हुँदा उल्लेखित हुलियासंग मिल्ने कोही पुरुष हराइरहेको भए जिल्ला प्रहरी कार्यालय पर्सामा सम्पर्क राखी अनुसन्धान कार्यमा सहयोग पुर्याइ दिन हुन समेत अनुरोध जिल्ला प्रहरी कार्यालय पर्साका प्रहरी नायब उपरीक्षक प्रव्क्ता एवम् सुचना अधिकारी दिपम भारती ले जानकारी गराउनु भएको छ।
