(ABC-Sanchar)
दाङ । नेपाल प्रेस युनियनले नेपाल पत्रकार महासंघ दाङको अध्यक्षका लागि पत्रकार सन्तोष सुवेदीलाई अघि सार्ने भएको छ । युनियनको आज बसेको बैठकले महासंघको आसन्न अधिवेशनमा सुवेदिलाई अध्यक्षमा अघि सार्ने निर्णय गरेको हो । युनियन भित्र पत्रकार बसुन्धरा गौतम पनि अध्यक्षको आकाङ्क्षि थिइन् । चुनाव जित्नका लागि भन्दै सुवेदिलाई अघि सारीएको युनियनले जनाएको छ । यसअघि नेपाल पत्रकार महासंघको केन्द्रिय सचिवका लागि गौतमले उम्मेद्वारी दिएर पनि पराजित भएकी थिइन् । अन्य पदहरुमा भने युनियनले अझै सार्वजनिक गरेको छैन् । सुवेदि अहिले महासंघका जिल्ला उपाध्यक्षमा छन् । हालका सचिव आर.के. सितल सचिवमा पुन दोहोरीन युनियन भित्र दवाव दिएपनि अर्को पटकको अध्यक्ष तयारी गर्ने गरी उपाध्यक्षमा लैजान युनियनका अगुवा नेताहरु लागि परेका छन् । प्रेस चौतारी नेपाल दाङ शाखाले पत्रकार जे.एन सागरको नेतृत्वमा पत्रकार महासंघमा जाने यसअघि नै निर्णय गरीसकेको छ । महासंघको जिल्ला सचिवमा हालका सहसचिव दशरथ घिमिरेको नाम चर्चामा छन् । तर, चौतारी र प्रेस सेन्टर मिलेको खण्डमा पत्रकार लक्ष्मी आचार्य अघि बढ्ने सम्भावना छ । महासंघको जिल्ला अध्यक्षमा युनियनले यसपालि महीला उम्मेद्वार नवनाएको अवस्था र सेन्टरले पनि आफ्नो तर्फवाट महीला अध्यक्षका लागि लविङ गरेको अवस्थामा अध्यक्षमा महीला पत्रकारहरुको मत वलियो हुने देखीन्छ ।
