बारा । जिल्ला प्रहरी कार्यालय बाराको मातहत बाट खटिएको प्रहरी टाेलिले
विहिबार विहान ५ बजेको समयमा प्रहरी चौकी पथलैयाले नियमित चेकजाँच को क्रममा बा ४ च ५७० नम्बरको कार रोकी चेक जाँच गर्दा कारमा उक्त परिमाणको गाँजा बरामद गरेको हो ।
पक्राउ पर्नेहरुमा कारका चालक भारत बिहार राज्य सुमौलीका ३० बर्षिय दिपकचन्द्र देव र अर्का कारमा सवार मकवानपुर राकसिराङ्ग २ बस्ने २८बर्षका अन्जन शाह रहेको थियोे ।
उनीहरुलाई जितपुरसिमरा उपमहानगरपालिका वडा नं.१ पथलैया चोकबाट प्रहरी निरिक्षक नरेश शाहीको टोलीले नियन्त्रणमा लिएको हो ।
कारको सिट मुनि लुकाई राखेका ५ पोका(२६ के.जि.) गाँजा फेला पारेको हो । लगतै कार,कार चालक र कारमा सवार मानिसहरू नियन्त्रणमा लिई थप अनुसन्धान कार्य भैरहेको जिल्ला प्रहरी कार्यालय बाराको प्रहरी नायव उपरीक्षक प्रव्क्ता एवम् सुचना अधिकारी दधिराम नेउपाने ले जानकारी गराउनु भएको छ।
