सर्भर डाउन हुँदा नेपाल भरका यातायात कार्यालयहरुको सेवा प्रभावित

 

काठमाडौं । आज बिहानबाट सर्भरमा समस्या आउँदा भौतिक पूर्वाधार तथा यातायात मन्त्रालयअन्तर्गतका देशभरका यातायात कार्यालयको काम ठप्प भएको हो ।

सर्भर डाउन हुँदा देशभरका यातायात कार्यालयको काम प्रभावित भएको यातायात व्यवस्था विभागका सूचना अधिकारी ईश्वरीदत्त पनेरुले बताए । प्राविधिक टोलीले समस्या समाधान गर्ने प्रयास गरिरहेको उनले बताए । सर्भर डाउन भएर काम नहुँदा सेवाग्राहीहरु समस्यामा परेका छन् ।