बाँके । लुम्बिनी प्रदेश प्रहरी कार्यालय तुल्सीपुर दाङका प्रदेश प्रहरी प्रमुख प्रहरी नायव महानिरीक्षक कुबेर कडायत निरीक्षण भ्रमणको सिलसिलामा जिल्ला प्रहरी कार्यालय बाँकेमा कार्यालयको निरीक्षण गर्नुका साथै यस कार्यालय तथा मातहत समेतमा कार्यरत सम्पुर्ण प्रहरी कर्मचारीहरुलाई प्रहरी व्यवसायीक, इमान्दार, सक्षम र सकारात्मक भई जनताको सेवामा अहोरात्र खटिई कामकारवाही गर्न निर्देशन दिनु भएको ।
साथै उक्त कार्यक्रममा यस जिल्ला प्रहरी कार्यालय बाँकेबाट सुरुवात गरिएको उत्कृष्ट प्रहरी ईकाई छनौट सम्बन्धी मापदण्ड, २०८१ बमोजिम तुलनात्मक रुपमा उत्कृष्ट कार्य सम्पादन गर्ने वडा प्रहरी कार्यालय नेपालगंज बाँकेलाई कदर पत्र प्रदान गरिएको ।
