चितवन । भरतपुर महानगरपालिका वडा नं. २६ भगडी भन्ने स्थानमा गएराती करेन्ट लगाएर गैँडा मारेको देखिए पछि २ जनालाई अनुसन्धानका लागि पक्राउ गरिएको निकुञ्ज स्रोतले जनाएको छ ।
पक्राउ परेकाहरूको नाम भने निकुञ्जले सार्वजनिक गरेको छैन । उनीहरूले बँदेल मार्नका लागि भन्दै तार विद्युतीय धराप थापेको र सोही धरापमा गैँडा परेको देखिएको निकुञ्ज स्रोतले जनाएको छ ।
घटनास्थल नजिकै घन, तार र किला (काँटी) भेटिएको छ । सुकेको मकै बारीमा चर्दै आएको अन्दाजी २० बर्षको पोथी गैँडा विद्युतीय धरापमा परेको थियो । गैँडाको मुखबाट रगतसमेत बगेको थियो ।
गैँडाको पोष्टमार्टम तथा अन्य आवश्यक अनुसन्धान थालिएको निकुञ्जले बताएको छ ।
