काठमाडौं । नेपाल प्रहरी श्रीमती संघद्धारा संघको ४० औं वार्षिकोत्सवको पूर्व सन्ध्यामा यस संघको स्थापना कालदेखि हाल सम्म नेपाल प्रहरी श्रीमती संघको नेतृत्व वहन गरी महत्वपूर्ण योगदान पुर्याउनु हुने पूर्व अध्यक्षज्यूहरु संग भेटघाट तथा अन्तरक्रिया कार्यक्रम सम्पन्न भएको छ ।
नेपाल प्रहरी श्रीमती संघका अध्यक्ष श्रीमती लक्ष्मी कुँवरको अध्यक्षतामा सम्पन्न भएको उक्त भेटघाट तथा अन्तरक्रिया कार्यक्रममा नेपाल प्रहरी श्रीमती संघका संस्थापक अध्यक्ष श्रीमती बसुन्धरा लामाज्यू, पूर्व अध्यक्षज्यूहरु श्रीमती निर्मला प्रधानज्यू, श्रीमती अंशु थापाज्यू, श्रीमती रीता रानाज्यू, श्रीमती प्रमिला खनालज्यू, श्रीमती ज्ञानु ज्ञवालीज्यू र संघका महासचिव श्रीमती अनुश्री पाख्रीनज्यू, उपाध्यक्षज्यूहरू, सल्लाहकारज्यूहरू, संघका अन्य पदाधिकारीज्यूहरू र प्रहरी कर्मचारीहरू समेतको उपस्थिती रहेको थियो ।
उक्त कार्यक्रमलाई सम्बोधन गर्दै संघकी अध्यक्ष श्रीमती लक्ष्मी कुँवरज्यूले आ-आफ्नो कार्यकालमा नेपाल प्रहरी श्रीमती संघमा अमुल्य योगदान पुर्याउनु हुने अग्रज आदरणिय पूर्व अध्यक्षज्यूहरुको अनुभव, सल्लाह, सुझाव र निर्देशनले संघको सेवा प्रवाहको क्षेत्र र स्तरोन्नतिमा थप टेवा पुग्ने र यस कार्यक्रम अन्तरक्रियामा मात्र सिमित नरहेर यस संघको ४० औं वार्षिकोत्सवको अवसरमा मिति २०८१।०५।०४ गते प्रकाशन हुने २० औं अंक सहचरी स्मारिकामा समेत प्रकाशन भई आगामी पिडीहरुको लागि लिखित मार्ग निर्देशनको रुपमा रहने कुरा बताउनु भयो ।
साथै उक्त कार्यक्रमको संचालन संघका कोषाध्यक्ष श्रीमती कल्पना गिरीज्यू र उपाध्यक्ष श्रीमती विन्दु अधिकारी ढकालज्यूले गर्नु भएको थियो ।
