बारा । महागढिमाई नगरपालिका वडा नं.०८ जोलगावा बस्ने वर्ष ५५ को सिताराम राय यादवको नाममा दर्ता रहेको ना ४ प २२१२ नम्बरको सुपर स्पलेण्डर मोटरसाईकल जिल्ला बारा फेटा गाउँपालिका वडा नाे.७ बस्ने सहाबुदिन अन्सारीले म प्रहरी हो ईमरजेन्सी छ एक छिनको लागी मोटरसाईकल दिनुस भनि प्रहरीको भ्रममा पारी उक्त मोटरसाईकल लिई फरार भएको र सोही मोटरसाईकलको प्रयोग गरी बिभिन्न मानिसहरूसंग घुमी घुमी प्रहरीकै भ्रममा पारी पैसा ठग्ने जस्ता कार्य गर्ने गरेको निवेदन यस कार्यालयमा प्राप्त२ हुन आएको हुँदा उक्त नक्कली प्रहरीलाई पक्राउ गर्नेको लागी यस कार्यालय तथा ईलाका प्रहरी कार्यालय प्रसौनी बाराबाट खटिएको प्रहरी टोली द्वारा मिति २०८१ श्रावण ०७ गते पक्राउ गरी जिल्ला प्रहरी कार्यालय बाराबाट चोरी सम्बन्धी कसूरमा मुद्दा दर्ता गरी सम्मानित जिल्ला अदालत बारा, कलैयाबाट दिन ५ (पाँच) म्याद थप गरी थप अनुसन्धान कार्य भई रहेको जिल्ला प्रहरी कार्यालय बाराले जनाएको छ ।
साथै यस्ता किसिमको घटनामा अन्य व्यक्तिहरूसंग पनि हुनसक्ने भएकोले ठगीमा पर्नु भएका व्यक्तिहरूले जिल्ला प्रहरी कार्यालय, बारामा सम्पर्क गरी जाहेरी दरखास्त दिनको लागी समेत अनुरोध गरेको जिल्ला प्रहरी कार्यालय बाराका प्रहरी नायब उपरीक्षक प्रव्क्ता एवम् सुचना अधिकारी दधिराम नेउपानेले जानकारी गराउनु भएको छ ।
