पर्सा । वीरगञ्ज महानगरपालिका वडा नं.२५ खल्वाटोल स्थित सडकखण्डमा मिति २०८१-०४-१० गते अन्दाजी ११:४०बजेको समयमा सशस्त्र प्रहरी वल नेपाल र प्रहरी चौकी सिर्सियाबाट खटिएको संयुक्त प्रहरी चेकिङ टोलीले नियमित चेकजाँच गर्ने क्रममा दुई जना संकाष्पदरूपमा पैदल हिंडिरहेको व्यक्तिहरूलाई रोकी कानूनी रीतपुर्याई खानतलासी गर्दा निजहरुले लगाएको जुत्ता र आफ्नो शरीरमा कालो प्लाष्टिकमा लुकाईछिपाई राखिएको प्रतिबन्धित लागु औषध नाइट्राभेट ३८ पत्तामा ५७० ट्याब्लेट फेला परेको हुँदा
उल्लेखित लागु औषध सहित जिल्ला बारा जितपुर सिमरा उपमहानगरपालिका वडा नाे.७ बस्ने बर्ष २५ को सुरज साह कलवार र ऐ.ऐ. बस्ने बर्ष २० को सलमान अन्सारी लाई नियन्त्रणमा लिइ यस कार्यालयमा ल्याइ लागु औषध सम्बन्धी कसूरमा थप अनुसन्धान कार्य भैरहेको जिल्ला प्रहरी कार्यालय पर्साका प्रहरी नायब उपरीक्षक प्रव्क्ता एवम् सुचना अधिकारी दिपक भारतीले जानकारी गराउनु भएको छ ।
