दाङ । भालुवाङ ईलाका प्रहरी कार्यालय भालुवाङको आयोजनामा एक दिवसीय साइबर अपराध सम्बन्धि सचेतना कार्यक्रम सम्पन्न भएको छ । सोमबार बिहान लुम्बिनी प्रदेशको राजधानीस्थल राप्ती उपत्यका अन्तरगत राप्ती उद्योग वाणिज्य संघ भालुवाङको सभाहलमा कार्यक्रम गरिएको हाे ।
आयोजक ईलाका प्रहरी कार्यालय भालुवाङका कार्यालय प्रमुख एवम् प्रहरी निरीक्षक ( इन्स्पेक्टर ) अमर बहादुर माझीले समाजमा हुने विद्युतीय अपराध ( साइबर क्राइम ) का प्रकारहरु, हुने तरिका र त्यसबाट अपनाउन सकिने सुरक्षाका उपायबारे सबै चनाखो बन्नुपर्नेमा जोड दिएका थिए ।
अपराधीको कुनै जातधर्म देश हुँदैन भन्दै भालुवाङ प्रहरी प्रमुख माझीले आर्थिक, सामाजिक, यौन तथा गाली बेइज्जती सम्बन्धि विद्युतीय अपराधहरु नियन्त्रणमा सहज हुने बताए । यसका लागि समाजका सबै पक्षहरु र विशेषगरी नागरिक प्रहरी आपसी सहकार्य गरेमा साइबर क्राइममा कमी आउने जिकिर गरे ।
