आईजिपी कुँवरद्वारा ७ प्रदेशका प्रमुखसंग नागरिकमैत्री सेवा प्रवाहलाई प्राथमिकता दिन निर्देशन

 

काठमाडौं । प्रहरी महानिरीक्षक बसन्त बहादुर कुँवरले काठमाण्डौ उपत्यका प्रहरी कार्यालय प्रमुख, ७ प्रदेश प्रहरी कार्यालयका प्रमुखहरू, नेपाल प्रहरी प्रदेश कार्यालयका प्रमुखहरू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयका प्रमुखहरू, ७ प्रदेश प्रहरी तालिम केन्द्रहरु एवम् सबै जिल्ला प्रहरी कार्यालयका प्रमुखहरुलाई

आज मिति २०८१।०४।२१ गते सोमबार नेपाल प्रहरी प्रधान कार्यालयबाट भर्चुअल माध्यमद्वारा निर्देशन दिँदै प्रहरी कर्मचारीहरूले आफ्नो आचरण, व्यवहार, इच्छाशक्ति तथा कामप्रतिको उत्प्रेरणामा सुधार गर्दै नागरिकमैत्री सेवा प्रवाहलाई उच्च प्राथमिकतामा राखेर कार्य सम्पादन गरी सेवाको गुणस्तर अभिवृद्धि गर्न कटिवद्ध हुनुपर्ने बताउनुभएको छ ।