काठमाडौं । बङ्गलादेशकी प्रधानमन्त्री शेख हसिना र उनकी बहिनी सवार सी–१३० विमान भारतीयकाे दिल्ली स्थित हिण्डन एयरपोर्टमा अवतरण गरेको भारतीय सञ्चार माध्यमले जनाएका छन्।
प्रधानमन्त्री हसिना र उनकी बहिनी मुलुकमा जारी हिंसाका बीच बङ्गलादेशबाट भागेका थिए। स्रोतका अनुसार उनी यहाँबाट पनि तेस्रो मुलुक जाने बताइएको छ। सम्भवतः उनी लन्डन जाने सम्भावना रहेको स्रोतहरूले बताएका छन्।
हसिनासँगै विमानमा उनको दलका समेत सवार रहेको बताइएको छ। यसैबीच हसिनाको राजीनामाको समाचारलाई लिएर ढाकाबाट प्रदर्शनकारीहरूले हर्षोल्लास गर्दै विरोध प्रदर्शन र खुसीयाली मनाएका छन्।
