दाङ । देउखुरी सामान्य जरो र टाउको दुखाइ जस्ता रोग बाट दुई जना महिलाको मृत्यु भएको छ । सामान्य ज्वरो र टाउका दुखाइ रहेको १५ वर्षीय कृष्णा बुढालाई उपचारको लागी छिमेकी राष्ट्र भारतको सिरसिया अस्पताल लगिएको र उपचार गरेर घरमा ल्याएको केहि दिन पछि साउन १७ गते उनको मृत्यु भएको थियोे । त्यस्तै सोही गाउँको दिलसा बुदा लाई पनि सोही लक्षण देखा परेपछि गाउमै रहेको स्वास्थ्य चौकी लगिएको थियोे । स्वस्थ्य चौकी बाट स्वास्थ्यमा सुधार नभए पछि दिलसा लाइ उपचारको लागी भारतको बाटो हुँदै नेपालगन्जको नर्सिङहोम हस्पिटलमा लगिएको थियोे । नेपालगन्ज नर्सिङ अस्पतालमा २२ गते उनको पनि मृत्यु भएको राजपुर गाउँपालिका वडा नम्बर ७ का कार्यपालिका सदस्य सन्देश बि.कले जानकारी दिएका थिए ।
नाका क्षेत्रमा अत्याधिक गर्मी र लगातार परेको अविरल वर्षाको झरीले गर्दा बिरामीको संख्या बढे पछि राजपुर गाउँपालिका बाट स्वस्थ्यकर्मी कमल रोका नेतृत्वको पाँच ५ जनाको टोलि परिक्षणको लागी बुधबार नाका पुगेको राजपुर गाउँपालिकाका अध्यक्ष शरद बुदाथोकीले जानकारी दिनु भएको छ । प्राय जसो नाका क्षेत्रमा खोलाको पिउने पानी प्रदुषित भएको पानी पिउने र जंगली लामखुट्टेको टोकाइको कारण मलेरिया भएर बिरामी भएको हुन सक्ने स्थानीय वासी पुर्ण रोकाको भनाइ छ ।
मृत्यु भएका कृष्णा र दिलसा एकै घरका नन्द भाउजू रहेको स्थानीय बालाराम गिरिले बताउनुभयो । त्यस क्षेत्रमा यस्ता बिरामी धेरै रहेको बताइएको छ ।
राजपुर गाउँपालिका अन्तर्गत नाका क्षेत्रमा भनेको जस्तो यातायात सेवा स्वास्थ्य सेवा सुबिधा नहुदा नाका बासीले अकालमै ज्यान गुमाउनु परेको छ ।
