जनकपुर । जम्बो मन्त्रिपरिषद् गठन गरेर विवादमा तानिएका मुख्यमन्त्री सतिश कुमार सिंहले सरकारमा रहेका ८ राज्यमन्त्रीहरु लाई बर्खास्त गरेका छ्न ।
मुख्यमन्त्री सतिश कुमार सिंहले रेखा ठाकुर, निलम कुमारी रजक, रामबाबु यादव, शम्भु साह र मोहम्मद जैद आलम, केशव राय, शारदा देवी थापा र रञ्जुकुमारी मण्डल खंग राज्यमन्त्रीमा नियुक्त गरेका थिए । जम्बो मन्त्रिपरिषद् गठन गरेसँगै सिंहको आफ्नै दल जनमत पार्टीले पनि स्पष्टीकरण सोधेको सुत्र को भनाई रहेको छ।
गठबन्धनको दबाबमा मुख्यमन्त्री सतिश कुमार सिंहले २० सदस्य मन्त्रिपरिषद् बनाएका थिए । अब मुख्यमन्त्रीसहित १२ मन्त्रीहरू मात्र रहेका छन् । मुख्यमन्त्री कार्यालयका अनुसार हालै नियुक्त भएका ८ राज्यमन्त्रीलाई बर्खास्त गर्न प्रदेश प्रमुखलाई मंगलबार पत्र पठाइसकिएको छ । केन्द्रको सत्तारुढ दलहरूको सहमति अनुसार मुख्यमन्त्री सतिश कुमार सिंहले सबै राज्यमन्त्रीहरूलाई हटाउने निर्णय गरेको छ।
