भैरहवा बसपार्कमा कार्यरत प्रहरी जवान १५ हजार घुस रकमसहित अख्तियारद्वारा पक्राउ

 

भैरहवा । प्रहरी हवल्दार डुकबहादुर खड्का घुससहित पक्राउ परेका छन् । प्रहरी चौकी भुजुवा नवलपरासी (ब.सु.पश्चिम) दरबन्दी भई अस्थायी प्रहरी बिट भैरहवा बसपार्क रुपन्देहीमा कार्यरत खड्का बिहीबार घुस रकमसहित पक्राउ परेका हुन् ।

अख्तियार दुरुपयोग अनुसन्धान आयोगको कार्यालय बुटवलबाट खटिएको टोलीले खड्कालाई सेवाग्राहीबाट १५ हजार रुपैयाँ लिइसकेको अवस्थामा रोहिणी गाउँपालिका–३ स्थित सेमरहवा चोकबाट नियन्त्रणमा लिएको हो । उनीमाथि थप अनुसन्धान भइरहेको जनाइएको छ ।