२८ कार्तिक २०८३, शनिबार
14-11-2026 , Sat
×

राष्ट्रिय अपाङ्ग मानव अधिकार सरोकार संघद्वारा अपाङ्गता भएका व्यक्तिहरुका लागि डिजिटल एक्सेसिबिलिटी ट्रेनिङ प्रोग्राम सम्पन्न

Logo
ABC (क्राईमबिट) प्रकाशित बिहिबार, आश्विन २२, २०८३

राष्ट्रिय अपाङ्ग मानव अधिकार सरोकार संघद्वारा अपाङ्गता भएका व्यक्तिहरुका लागि डिजिटल एक्सेसिबिलिटी ट्रेनिङ प्रोग्राम सम्पन्न

*काठमाडौं । राष्ट्रिय अपाङ्ग मानव अधिकार सरोकार संघले अपाङ्गता भएका व्यक्तिहरुलाई लक्षित गरी डिजिटल एक्सेसिबिलिटी सम्बन्धी तालिम कार्यक्रम सञ्चालन गरेको छ।

संघका अनुसार तालिममा अपाङ्गता भएका व्यक्तिहरुलाई डिजिटल सामग्री निर्माण, ब्लग लेखन, भिडियो रेकर्डिङ, भिडियो एडिटिङ र सामाजिक सञ्जालमा पहुँचयुक्त सामग्री कसरी बनाउने भन्ने विषयमा प्रशिक्षण दिइएको थियो।

तालिममा सहभागीहरुलाई स्क्रिन रिडर प्रयोगकर्ताका लागि Alt Text राख्ने, भिडियोमा क्याप्सन र साङ्केतिक भाषा थप्ने, वेबसाइटलाई WCAG 2.1 मापदण्ड अनुसार पहुँचयुक्त बनाउने तरिका र सरकारी वेबसाइटमा रहेको एक्सेसिबिलिटी टुलको प्रयोग बारे पनि सिकाइएको थियो।

संघले पछिल्लो समय सरकारी वेबसाइटहरुलाई नै अपाङ्गतामैत्री बनाउने अभियान चलिरहेको बेला अपाङ्गता भएका व्यक्तिहरु आफैंले पनि डिजिटल कन्टेन्ट बनाउन सक्ने बनाउन यो कार्यक्रम आयोजना गरिएको जनाएको छ। यसअघि पनि Access Planet लगायतका संस्थाहरुले अपाङ्गता भएका महिलाहरुका लागि ३ दिने डिजिटल कन्टेन्ट निर्माण तालिम सम्पन्न गरेका थिए।

कार्यक्रममा सहभागीहरुले डिजिटल पहुँच भनेको सुविधा मात्र नभई संविधानको धारा २७ ले दिएको सूचनाको हक र अपाङ्गता अधिकार ऐनले सुनिश्चित गरेको अधिकार भएको बताएका थिए।

कमेन्ट गर्नुहोस्
सम्बन्धित

  बाँके । नेपालगञ्ज उपमहानगरपालिका-२ स्थित हनुमानगढीमा १०८ फिट अग्लो भगवान् हनुमानको भव्य मूर्ति निर्माण सम्पन्न भएको छ। १४ करोड ४ लाख ६३ हजार रुपैयाँ लागतमा निर्माण गरिएको यस धार्मिक संरचनाले नेपालगञ्जको धार्मिक पहिचान, पर्यटन प्रवर्द्धन तथा स्थानीय आर्थिक गतिविधिमा थप योगदान पुर्‍याउने अपेक्षा गरिएको छ। हनुमानगढीमा भव्य मूर्ति निर्माण सम्पन्न भएपछि नेपालगञ्ज धार्मिक पर्यटनको […]

  घोराही उपमहानगरपालिका वडा नम्बर १८ मा अवस्थित घोरदौरा पछिल्लो समय आन्तरिक पर्यटकको आकर्षक गन्तव्यका रूपमा विकास हुँदै गएको छ। घोराही बजारदेखि करिब छ किलोमिटर उत्तरमा पर्ने पहाडी क्षेत्रमा अवस्थित घोरदौरा प्राकृतिक सौन्दर्य, शान्त वातावरण र रमणीय दृश्यका कारण पर्यटकीय केन्द्र बन्ने प्रचुर सम्भावना बोकेको ठाउँ हो। पहाडी भूगोल, स्वच्छ वातावरण र प्राकृतिक सुन्दरताले भरिपूर्ण […]

  बाँके । नेपालगञ्ज उपमहानगरपालिकाका विभिन्न भलाद्मी मान्यजनहरूसँग राष्ट्रिय जनमत पार्टी बुलडोजर छाप नेपालगन्जका नेता इरफान अहमद शेषद्वारा छलफल तथा अन्तरक्रिया कार्यक्रम नेपालगञ्ज उपमहानगरपालिका-८ मा सम्पन्न गरेको छ। कार्यक्रममा सहभागी प्रायः सबै सहभागीहरूले आउने स्थानीय सरकारको निर्वाचनमा बुलडोजर छापलाई सघाउने प्रतिबद्धता जनाएका छन्। नेता इरफान अहमद शेष नेपालगन्ज *राष्ट्रिय जनमत पार्टी जिन्दावाद । *बुलडोजर छाप […]