बारा। प्रहरी चौकी पथलैया बाराबाट प्र.स.नि.हरिन्द्र प्रसाद यादवको कमाण्डमा खटिएको प्रहरी टोलीले मिति २०८१-०४-३० गते बिहान अन्दाजी ०५:४० बजेको समयमा जिल्ला बारा, जीतपुर सिमरा उप-महानगरपालिका वडा नं.१ पथलैया चोक स्थितमा नियमित चेक जाँच गर्ने क्रममा ना १ ज -८५५८ नम्बरको हाइस गाडीलाई रोक्दा नरोकी फरार भएकोमा शंकास्पद लागी उक्त गाडीलाई खोज तलास गर्दै जाने क्रममा ऐ.वडा नं.१ हुलाश फ्याक्ट्री स्थित रोकी राखेको अवस्था बाट उक्त गाडी नियन्त्रणमा लिई चेक जाँच गर्दा गाडी भित्र लुकाई छिपाई राखेको ६२ केजि लागू औषध गाँजा बरामद गरी आवश्यक कानुनी प्रकृया अगाडी बढाईएको जिल्ला प्रहरी कार्यालय बाराका प्रहरी नायब उपरीक्षक प्रव्क्ता तथा सूचना अधिकारी प्रकाश सापकोटाले जानकारी गराउनु भएको छ।
