महोत्तरी । जिल्ला महोत्तरी बर्दिबास नगरपालिका वडा नं. ०३ स्थित पाटुमा इलाका प्रहरी कार्यालय बर्दिबास महोत्तरीबाट ट्राफिक सहितको संयुक्त प्रहरी चेकिङ्ग टोलीले सवारी साधन चेकजाँच गर्ने क्रममा मिति २०८१-०४-३२ गते अन्दाजी ११:१५ बजेको समयमा बर्दिबासबाट काठमाण्डौतर्फ जादैं गरेको बागमती प्रदेश ०२-०२५ प ६४६७ नम्बरको कालो सेतो रंगको NS PULSAR मोटरसाईकल रोकी चेकजाँच गर्दा उक्त मोटरसाईकलको पछाडी कालो खैरो रंगको कपडाको झोलाको चेन खोली हेर्दा सो झोला भित्र कपडामा टेपले बेरी राखिएको प्रतिबन्धित लागुऔषध नाईट्रोभेट-१० लेखिएको १४७३ पिस ट्याबलेट, कोरेक्स १ बोतेल र मो.सा. सहित उक्त मो.सा चालक र मो.सा. मा पछाडी सवार जिल्ला भक्तपुर चाङुनारायन नगरपालिका वडा नाे.१दुवाकोट बस्ने पुस्कर श्रेष्ठको छोरा बर्ष २३ को किसन श्रेष्ठ माेटरसाईकल चालक ऐ.ऐ बस्ने मिन बहादुर वाइवाको छोरा बर्ष २२ को बिकास वाइवा मानिसहरुलाई नियन्त्रणमा लिई इलाका प्रहरी कार्यालय बर्दिबास महोत्तरीमा ल्याई राखी आवश्यक अनुसन्धान कार्य भईरहेको जिल्ला प्रहरी कार्यालय महोत्तरीका निमित सुचना अधिकारी प्रहरी निरीक्षक धर्मराज मुडभरिले जानकारी गराउनु भएको छ।
