सिरहा । नगरपालिका वडा नं.०७ महिसोथा स्थित ग्रामीण सडक खण्डमा मिति २०८१-०४-३२ गते अन्दाजी १०:३० बजेको समयमा जिल्ला प्रहरी कार्यालय सिरहाबाट प्र.ब. ह. सिताशरण रायको कमाण्डमा खटिएको QRT टोलीले सिरहाबाट चौहर्बातर्फ जादै गरेको प्र १-०१-०१४प ४६२५ नं. को मोटरसाईकललाई शंका लागि चेकजाँच गर्दा मोटरसाईकल चालक जिल्ला पाँचथर, आरूबोटे नगरपालिका वडा नं.०५ बाजघरा स्थायी घर भई हाल जिल्ला झापा, दमक स्थितमा डेरा गरी अस्थायी रुपमा बसोबास गर्ने अंन्दाजि वर्ष २८ को रोशन बराईलीले बोकेको पछाडी भिर्ने कालो झोलामा बिल-बिजक बिनाको निम्नानुसारको सेतो चाँदी र पहेलो सुन जस्तो देखिने धातुका गर-गहना, पोते मोती माला फेला परेको हुँदा उक्त धातुहरू बरामद गरी रोशन बराईलीलाई उक्त मोटरसाईकल सहित नियन्त्रणमा लिई जिल्ला प्रहरी कार्यालय सिरहाबाट थप अनुसन्धान कार्य भईरहेको जिल्ला प्रहरी कार्यालय सिरहाका प्रहरी उपरीक्षक रमेश पण्डितले जानकारी गराउनु भएको छ ।
निम्न धातुहरूः-
चाँदी जस्तो देखिने धातुको गर-गहनाहरु
१. बाला-६४ थान
२. ब्रासलेट-११ थान
३. चुरा २९ थान
४.रड १ थान
तौल जम्मा चाँदीको वजन २६५२.४ ग्राम मूल्य रु. २,१७,६८०.७९/-
सुन जस्तो देखिने पहेलो धातुको गर-गहनाहरु
१. हरियो पोतेमा जडित माला-१८ थान
२. रातो पोतेमा जडित माला ३० थान
. सेतो मोती मालामा जडित-५ थान ३
४. खुल्ला चन्द्रमा -६ थान
५. पोतेमा जडित चक्र-८ थान
६. पोतेमा जडित मंगलसुत्र-१ थान
तौल गर्दा जम्मा सुनको वजन २६.०५ ग्राम मूल्य रु. ३,३५,२२८.४८/-
जम्मा सुन र चाँदी मुल्य रु. ५,५२,९०९.२७/-
