दाङ । तुल्सीपुर पार्टी स्थापनाकालदेखि नै सदस्य रहेका दाङ क्षेत्र नम्बर ३ का सभापति मेघराज केसीलगायत विभिन्न क्षेत्रीय सदस्य, घोराही र तुलसीपुर उपमहानगरपालिका स्तरीय समितिका पदाधिकारी र सदस्यहरूले पार्टी त्याग गरेका हुन् ।
उनीहरूले गत शनिबार रिपोटर्स क्लब तुलसीपुरमा पत्रकार सम्मेलन गरी पार्टी त्यागको घोषणा गरेका हुन् । ठूलो आशा बोकेर पार्टीमा लागेकामा अन्तमा निराश भएको क्षेत्रीय सदस्य विजय केसीले बताए । पार्टी छोडेर स्वतन्त्र अभियान सुरु गरेको उनले बताए ।
लामिछाने पुराना नेताभन्दा बढी अनैतिक र भ्रष्ट देखिएपछि पार्टीमा रहन नसकेको उनले बताए । उनले तत्काल कुनै पार्टीमा नजाने र छुट्टै अभियान सञ्चालन गर्ने बताए ।
