दाङ । घोराही समुदाय प्रहरी साझेदारी अवधारणा अनुरुप आज मिति २०८१।०५।०७ गते घोराही उपमहानगरपालिका वडा नं. १६ रावतगाउँ स्थित वडा कार्यालयको सभाहलमा जिल्ला प्रहरी कार्यालय दाङ र सामुदायिक सेवा केन्द्र घोराही दाङ संयुक्त आयोजना तथा घोराही उपमहानगरपालिका वडा नं. १६ वडा कार्यालयको सहकार्य एवं सामुदायिक सेवा केन्द्र घोराही दाङका अध्यक्ष आर.के. सितलको अध्यक्षता, जिल्ला प्रहरी कार्यालय दाङका निमित्त कार्यालय प्रमुख प्रहरी नायव उपरीक्षक राम प्रसाद तिमल्सिनाको प्रमुख आतिथ्यता,
घोराही उपमहानगरपालिका वडा नं. १६ का वडा अध्यक्ष तारा बहादुर डि.सी.को विशिष्ठ आतिथ्यता, वडा सचिव तेजा गैरे, वडा सदस्यहरु, सामुदायिक सेवा केन्द्रका पदाधिकारीहरु लगायतको आतिथ्यता एवं घोराही उपमहानगरपालिका वडा नं. १६ स्थित विभिन्न टोलका प्रतिनिधिहरु, आमा समुहका प्रधिनिधिहरु, स्थानीय नागरिकहरु, ज्ञानमाला बोर्डिङ स्कुल र अम्विकेश्वरी शिक्षा सदन सर्रामा अध्ययनरत विद्यालयहरु लगायत अन्दाजी २०० जनाको सहभागितामा संचालिन “लागू औषध विरुद्ध सचेतनामूलक कार्यक्रम” मा यस कार्यालयका निमित्त कार्यालय प्रमुख प्रहरी नायव उपरीक्षक राम प्रसाद तिमल्सिनाले अपराधको परिचय, अपराध रोकथाम तथा न्यूनिकरणमा समुदायको भूमिका, लागू औषधको परिचय, लागू औषध दुर्व्यनमा पर्नुको कारण, दुर्व्यसनीमा देखिने लक्षणहरु, दुर्व्यसनबाट बच्ने उपाय, लागू औषध सम्वन्धि अपराधमा दाङ जिल्लाको अवस्था, अपराध न्यूनिकरण गर्न प्रहरीले गरेको प्रयास र कानूनी प्रावधान लगायत विषयमा सचेतनामूलक प्रशिक्षण दिनु भएको जिल्ला प्रहरी दाङले जानकारी दिएको छ ।
