पर्सा । स्थानीयहरूले बारम्बार तस्करी भइरहेको बताए पनि बोर्डर आउट पोस्ट (बीओपी) अलौका प्रमुख सशस्त्र प्रहरी नायब उपरीक्षक (डिएसपी) विकास अधिकारी भने मौन बसेका छन्।
पर्साको बारवा नाकाबाट खुल्याम तस्करी भइरहेको भिडियो यहा किल्की गर्नुस
स्थानीयहरूका अनुसार डिएसपी अधिकारीले आफ्नो माथिल्लो निकायको आदेशको अवज्ञा गर्दै नाकालाई ‘कमाइ खाने भाँडो’ बनाएका छन्। बारवा नाकाबाट भइरहेका तस्करीका दृश्यहरू स्थानीयहरूले मोबाइलबाट खिचेर प्रमाणित गरेका छन्।
उक्त नाकाबाट हुने तस्करीको गतिविधिलाई रोक्न सशस्त्र प्रहरी उपरीक्षक (एसपी) समेत आदेश रहेको भए पनि त्यसको बेवास्ता गर्दै ठूला पाँच जना तस्करहरूलाई तस्करीको लाइन दिएको आरोप स्थानीयले लगाएका छन्।
तस्करी रोकथामका लागि सुरक्षाकर्मीहरूको भूमिका प्रभावकारी हुन नसकेको र यसले गर्दा तस्करीको घटना झन् बढ्दै गएको स्थानीयहरूको भनाइ छ। यो घटनाले सुरक्षाकर्मीहरूको भूमिकाप्रति स्थानीय समुदायमा आशंका पैदा गरेको छ।
