पर्सा । वीरगञ्ज महानगरपालिका वडा नं.८ घण्टाघर स्थित मिति २०८१-०५-०९ गते अन्दाजी २२:३० बजेको समयमा बिशेष सूचनाको आधारमा प्र.७-०१-००१ ख ३०८८ र ना.३ ख ५१६५ नम्बरको मालबाहक ट्रकहरूमा साथमा रहेको विल विजक भन्दा बढीका कपडा, औषधी तथा खुद्रा मालबस्तुहरू लोड गरी वीरगञ्जबाट चितवन तथा कैलालीतर्फ लैजाँदै गरेको अवस्थामा पर्सा प्रहरी कार्यालयबाट खटिएको टोलीले उल्लेखित नम्बरहरूको मालबाहक ट्रकहरू नियन्त्रणमा लिइ अन्दाजि मुल्य
रू.१,३१,१५,६९८।- ( एक करोड एकतिस लाख पन्ध्र हजार छ सय अन्ठान्वे ) बराबरका कपडा औषधी तथा खुद्रा मालबस्तुहरू थप अनुसन्धान तथा कारवाहीको लागि राजस्व अनुसन्धान कार्यालय पथलैया बारामा बुझाइएको जिल्ला प्रहरी कार्यालय पर्साका प्रहरी नायब उपरीक्षक प्रव्क्ता तथा सूचना अधिकारी दिपक भारतीले जानकारी गराउनु भएको छ ।
