बाँके । जिल्ला रुपन्देही सिद्धार्थनगर नगरपालिका वडा नं.१३ शान्तिनगर स्थितमा जिल्ला प्रहरी कार्यालय रुपन्देहीको परिषरमा नवनिर्मित भवनहरूको एक कार्यक्रम बिच नेपाल प्रहरी संगठन प्रमुख श्रद्धेय श्रीमान प्रहरी महानिरीक्षक बसन्त बहादुर कुँवरज्यूबाट समुद्घाटन सम्पन्न भयो ।
साथै उक्त कार्यक्रममा प्रमुख अतिथि तथा अन्य अतिथी ज्यूहरुबाट नवनिर्मित भवनहरूको निरीक्षण तथा अवलोकन गर्नुका साथै कार्यालय परिसरमा प्रमुख अतिथि प्रहरी महानिरीक्षक बसन्त बहादुर कुँवरज्यू, नेपाल प्रहरी श्रीमति संघका अध्यक्ष लक्ष्मी कुँवर ज्यू, लुम्बिनी प्रदेश प्रहरी प्रमुख प्रहरी नायव महानिरीक्षक कुवेर कडायतज्यु र रुपन्देही जिल्लाका प्रमुख जिल्ला अधिकारी गणेश अर्यालज्युबाट वृक्षरोपण गरीएको ।
कार्यक्रममा प्रमुख अतिथि प्रहरी महानिरीक्षकज्यूबाट इलाका प्रहरी कार्यालय कदमहवा रुपन्देहीलाई जग्गा दान गर्नुहुने पुर्व प्रहरी सहायक निरीक्षक शिल कुमार तिवारीज्यु, कार्यालय परिषर भित्र अमर प्रहरी स्मारक बगेँचा निर्माण कार्यमा सहयोग पुर्याउनु हुने गुप्ता नर्सरीका संचालक सुरज गुप्ता, समय सिमा भित्र भवनहरुको निर्माण कार्य सपन्न गर्ने सपना सुन्दरी कन्ट्रक्सन एण्ड इन्जिनियरिङ, प्रा.लि.का छत्रदेव पाण्डेज्यु र प्रहरी क्रियाकलापमा उत्कृष्ण समन्वयकारी भूमिका निर्वाह गर्नुहुने ड्रिम क्रियसन इभेन्ट्स म्यानेजमेन्टका संचालक रवि जैसवललाई प्रशंसा-पत्र प्रदान गरीएको ।
साथै कार्यक्रममा जिल्ला प्रहरी कार्यालय रुपन्देहीका प्रमुख प्रहरी उपरीक्षक रंजित सिंह राठौरज्यूबाट उपस्थित सम्पुर्णमा स्वागत मन्तव्य राख्नुका साथै रुपन्देही जिल्लाका प्रमुख जिल्ला अधिकारी गणेश अर्यालज्यु, सिद्धार्थनगर नगरपालिकाका नगर प्रमुख इश्तियाक अहमत खाँज्यू, प्रहरी महानिरीक्षक बसन्त बहादुर कुँवरज्यूले आ-आफ्नो मन्तव्य राख्नु भएको र लुम्बिनी प्रदेश प्रहरी प्रमुख प्रहरी नायव महानिरीक्षक कुवेर कडायतज्युबाट उपस्थित सम्पुर्ण महानुभावहरुलाई धन्यवाद ज्ञापन गर्नु भएको ।
