काठमाडौं । एकैपटक ठूलो संख्यामा नेपाल प्रहरीका प्रहरी निरीक्षक (इन्स्पेक्टर)हरूको सरुवा भएको छ । प्रहरी प्रधान कार्यालयले सोमबार एकैपटक ५ सय ८७ जना इन्स्पेक्टरहरुको सरुवा गरेको हो ।
जिल्ला ट्राफिक कार्यालय धादिङमा सुरज श्रेष्ठ, प्रहरी प्रभाग बूढानीलकण्ठमा सुरेश खत्री र जिल्ला ट्राफिक प्रहरी कार्यालय चितवनमा गायत्रीराज शर्मालाई सरुवा गरिएको छ ।
त्यस्तै कपिलवस्तुस्थित वडा प्रहरी कार्यालय चन्द्रौटामा सुजन शाह, रुपन्देहीको इलाका प्रहरी कार्यालय मझगाउँमा सन्तोष बस्याल र सिराहा स्थित इलाका प्रहरी कार्यालय मिर्चैयामा सन्तोष कुमार बुढाथोकीलाई पठाइएको छ ।
शोभा पाण्डेयलाई जिल्ला ट्राफिक प्रहरी कार्यालय कास्कीमा सरुवा गरिएको छ । विशाल सापकोटालाई इलाका पहरी कार्यालय मनहरि मकवानपुर र बाङगेल लामालाई जाजरकोट स्थित इलाका प्रहरी कार्यालय रिम्नामा सरुवा गरिएको छ ।
पर्सा ट्राफिकमा लोकराज भट्ट, महोत्तरी ट्राफिकमा लक्ष्मीराज जोशी, प्रहरी प्रभाग मंगलबजारमा लीलाभक्त बादे र रौतहट ट्राफिकमा लोकेन्द्र अधिकारीलाई पठाइएको छ ।
