बाँके । नेपाल प्रहरी कार्य योजना २०८० बमोजिम यस कार्यालयले लक्ष हासिल गर्न सफल भएकोले तालुक लुम्बिनी प्रदेश प्रहरी कार्यालयका प्रमुख प्रहरी नायव महानरीक्षक कुबेर कडायतले आज मिति २०८१।०६।०८ गते यस जिल्ला प्रहरी कार्यालयलाई प्रशंसा पत्र प्रदान गर्नुका साथै यस कार्यालयका प्रमुख प्रहरी उपरीक्षक तुल बहादुर कार्कीलाई तिनपुस्तेमा जनिने गरी नगद पुरस्कारद्वारा पुरस्कृत गर्नु भएको छ ।
साथै यस जिल्ला प्रहरी कार्यालय बाँकेबाट तयार पारिएको उत्कृष्ट प्रहरी ईकाई छनौट सम्बन्धी मापदण्ड, २०८१ बमोजिम इलाका प्रहरी कार्यालय भगवानपुर बाँके (कार्यकाल:- प्र.नि. टोपेन्द्र बुढा मगर) ले उत्कृष्ट तवरले कार्य सम्पादन गरेको पाईएको हुँदा २०८१ भदौ महिनाको “उत्कृष्ट प्रहरी इकाई” घोषणा गरी कदर पत्र प्रदान गरिएको छ ।
