काठमाडौं । नेपालमा हुन लागेको नेपाल प्रिमियर लिगको लागि जनकपुर बोल्टस टीमको जर्सीमा जानकी मन्दिरको लोगो राखेपछि केही कथित हिन्दुवादीहरुले मस्जिद राखिएको भन्दै विरोध जनाएको छ ।
जानकी मन्दिरको बीचल्लो भागलाई जर्सीमा लोगोको रुपमा राखिएको देखिएको छ । जानकी मन्दिरको पूर्ण तस्विरको मुख्यद्धारको माथिल्लो भागलाई जर्सीमा राखिएको छ । डिजाइरले मन्दिरकै भागलाई काटेर राखेका छैनन् भने मन्दिरलाई नै आधार बनाएर डिजाइन गरेको बताईएको छ ।
जानकी मन्दिरको गोफा मोडेल र मस्जिदको गोफा मोडेल ९० प्रतिशतसम्म मेल खान्छन सोही अनुसार जनकपुुर बोल्टसको जर्सीमा मस्जिदको तस्विर राखिएको भन्दै केही कथित हिन्दुवादीले समाजिक सँजालमा भ्रम फैलाएको आरोप छ ।
जर्सीमा मन्दिरको डिजाइन यकिन गर्न डिजाइनको माथिल्लो टुप्पोमा धार्मिक झण्डा समेत राखिएको देखिन्छ । जानकी मन्दिरमा झुण्डयाइएको धार्मिक झण्डाको प्रतिकलाई लोगोमा देखाइएको छ । यसले मन्दिरकै तस्विर प्रयोग भएको भनेर यकिन गर्न सकिन्छ ।
टीमको नाम जनकपुर बोल्टस राखिएपछि जर्सीमा जानकी मन्दिरकै गोफा राखिएको दाबी गरिएको छ । डिजाइनरले केही मोडिफाइ गरिएको भनिएपनि मन्दिरको गोफासँग पूर्णतः मेल खाएको देखिएको छ ।
सोही गोफालाई विदेशको एक मस्जिदको गुगल फोटोसँग दाँज्दै समाजिक सँजालमा विरोधाभाष चलाएको हो ।
कथित हिन्दुवादी र केही कथित हिन्दुवादी संगठनहरुले समेत विरोध जनाउँदै जनकपुर बोल्टस्का कप्तान आशिफ शेखलाई लक्षित गरेको देखिएको छ । समाजिक सँजाल प्रयोगकर्ताहरुले गरेको टिप्पणी अनुसार, जनकपुर बोल्टसको लोगोलाई बहाना बनाउँदै कप्तान आशिफ शेखलाई टारगेट गरेको हो ।
यद्यपी, यसको बारेमा अधिकारिक धारणाको लागि हामीले जनकपुर बोल्टसका मालिक उत्सव सिग्देल र प्रबन्धक निरजी खतिवडासँग कुराकानी गर्ने प्रयास गरेपनि कुराकानी हुन सकेनन् ।
