- महेन्द्र सिंह /खड्ग राना
कात्तिक २९, बाँके । बाँकेमा नेपाल तरुणदल नेपालगन्जले आव्हान गरेको बन्दका कारण बिहानै देखि जनजीवन प्रभावित भएको छ ।बन्दका कारण लामो तथा छोटो दुरीका सवारी साधन विद्यालय, कलकारखाना व्यापार व्यावसाय प्रभावित भएका छन् ।
केही दिन अघि हतियारसहित पक्राउ परेका तरुणदलका नेपालगन्ज नगर सभापति संदिपजंग शाहको रिहाईको मागका साथै प्रहरी प्रशासनले सत्ताको आडमा आफ्ना कार्यकर्ताहरुलाई अनाहकमा दुख दिएको भन्दै बन्द आव्हान गरीएहो हो । बन्द आव्हानकर्ताहरु शुक्रबार बिहानैदेखि नेपालगन्जको पुस्प लाल चोक धम्भोजी चोक बीपिचोक, कारकादो, खजुरा र कोहलपुर चौराह चप्पर गोरी लगायत कुसुममा झण्डासहित प्रदर्शन गर्नुको साथै आवागमन ठप्प पारेका छन् ।
तरुण दल बाँकेले प्रहरीले नगर सभापति शाहलगायत आफ्ना कार्यकर्तालाई अनाहकमा दुख दिएको भन्दै चरणबद्ध आन्दोलन गर्दै आईरहेको छ ।
