पाल्पा । कोठा भाडाको १४ सय रुपैयाँ नदिएको भन्दै एक डेरावालको हत्या भएको छ । हत्या हुनेमा ५२ वर्षीय रुद्रबहादुर बुढाथोकी रहेका छन ।
बुढाथोकीलाई उनका घरबेटी ३१ वर्षीय माधव बिष्टले हत्या गरेको जिल्ला प्रहरी कार्यालय पाल्पाका डीएसपी सुनिल मल्लले जानकारी दिएका छन । मल्लका अनुसार मासिक ५ सय रुपैयाँ कोठाभाडा बुढाथोकी विष्टको घरमा बस्दै आएका थिए । तानसेन नगरपालिका–११ स्थित विष्टको घरमा बसेका बुढाथोकीको बुधबार हत्या भएको थियो ।
उनले भने, ‘१४ सय कोठाभाडा नदिएको विषयमा विवाद भएपछि हसियाँले हानेर हत्या गरेको देखिन्छ । पक्राउ परेका घरबेटी बिष्टले मादक पदार्थ समेत सेवन गरेका रहेछन्’ ।
कर्तव्य ज्यानको कसुरमा जिल्ला अदालत पाल्पाबाट म्याद लिएर उनीमाथि अनुसन्धान अघि बढाइएको पनि प्रहरीले जानकारी दिएको छ ।
