बर्दियामा चितुवाको आक्रमणबाट एक बालकको मृत्यु,

बर्दिया । मधुवन नगरपालिका-७ भाट चोकस्थित मनोज कँडेलको घरमा चितुवाले आक्रमण गर्दा अढाई वर्षीय रिहान चलाउनेको मृत्यु भएको हो ।

जिल्ला प्रहरी कार्यालय बर्दियाका अनुसार रिहान मनोजका भान्जा हुन् । आमा रचना चलाउनेसँग मामा घर भएको बेला शनिबार साँझ करिब सात बजेतिर बालकलाई चितुवाले आक्रमण गरेर बेपत्ता बनाएको थियो ।

खोजतलास गर्ने क्रममा दुई घण्टापछि करिब पाँचसय मिटर टाढा बालकको शव फेला परेको प्रहरीले जनाएको छ । गाउँमा चितुवा आतंक बढेपछि स्थानीय त्रसित भएका छन्।