बाँके । नेपालगन्ज अति जटिल रुपमा देखापरेको बाँकेको नेपालगञ्ज बजारको ट्राफिक समस्या र यसको व्यवस्थापन विषयमा गरिएको कुराकानी छलफल । वरिष्ठ सई तथा नेपालगञ्ज ट्राफिक प्रहरी प्रमुख प्रवीण आचार्यशीत एबिसी सञ्चार भण्डार टिमका बिदुर एमसीले गरेका अन्तरवार्ता ।
ट्राफिक प्रहरीले अनावश्यक रुपमा मानिसलाई दुखदिने, पैसा मागेर हैरान बनाउने र राजश्व असुलीमा लागेको भन्ने आम मानिसको बुझाइलाई आफू र आफ्नो मातहतका ट्राफिक प्रहरी कर्मचारीले त्यस्तो नगरेको स्पष्ट पारेका छन् ।
नियम कानून मिचेर लापरबाही गर्नेका लागि कडाइसाथ लागेको र नियम सम्मत चल्नेहरुका लागि सहयोगी बनेर प्रस्तुत हुने गरेको खुलस्त बताए ।
बाँके जिल्लाको नेपालगञ्ज शहरको रुपमा देखिन्छ तापनि यहाँका अधिकांश मानिसलाई ट्राफिक चिन्हहरुको मतलव नगरिदिने अवस्थाबारे आचार्यले गुनासो गरेका छन् । कति भन्दा सिकाउँदा पनि मान्दैनन् बरु उल्टै झगडा गर्न तम्सिन्छन्, उनको जवाफ थियो ।
विद्यालय र विभिन्न संघ संस्थाहरु सित मिलेर ट्राफिक सचेतना कार्यक्रम गरेपछि ट्राफिक नियमको केही पालना भएको र त्यसले गर्दा सडक दुर्घटनामा न्यूनीकरण भएको उनलेे उल्लेख गरे । ट्राफिक सिग्नल राखेपछि पनि ट्राफिक व्यवस्थापनमा सहजता आएको ट्राफिक प्रमुख प्रवीण आचार्यले बताएका छन् ।
