बाँके । नेपालगन्ज सडक दुर्घटना बढेपछि संजीवनी अस्पतालको आग्रहमा ट्राफिक प्रहरी पोष्टले संजीवनी अस्पतालको अगाडीको सडकमा बनाइएको जेब्रा क्रसिङ्गको रंगरोगन गरेको नेपालगन्जका प्रमुख बरिष्ठ ट्राफिक प्रमुख प्रहरी नायव निरीक्षक प्रविण आचार्यले जानकारी दिए ।
उनले भने, ’संजीवनी अस्पताल अगाडीको रोडमा बनाइएको जेब्रा क्रसिङ्गको रंगरोगन उडेर नदेखिने भएको थियो । अस्पतालले आग्रह गरेपछि ट्राफिक प्रहरीले पुनः रंगरोगन गरेको हो ।’
सुर्खेत रोडमा तिब्र गतिमा सवारी साधन गुड्ने गरेको छ, भने संजीवनी अस्पताल अगाडी सडक वारपार गर्नेको संख्या अत्यधिक छ । जेब्रा क्रसिङ्गको रंगरोगन उडेकाले सवारी दुर्घटना निम्तिने खतरा बढेको थियो । ’यो ठाउँमा एक त मान्छेको ओहोरदोहर अत्यधिक हुन्छ । 
त्यसैमा सडकमा बनाइएको जेब्रा क्रसिङ्गको रंगरोगन उड्दा सवारी दुर्घटना हुने खतरा थियो,’ उनले भने, ’जेब्रा क्रसिङ्गको चिन्हले सार्वसाधारणलाई सडक वारपार गर्न सहज हुने आशा गरिएको छ ।’
यसैबीच बरिष्ठ ट्राफिक प्रहरी नायब निरिक्षक आचार्यले बालबालिकालाई सडक दुर्घटनाबाट जोगाउन सचेतिकरण अभियान समेत थालेका छन् । उनले बिद्यालयबाट फर्किदै गरेका बालबालिकालाई जेब्रा क्रसिङ्ग र सडकमा हिड्ने बेला अपनाउनु पर्ने साबधानीका बारेमा जानकारी गराएका छन् ।
