एक हजार घुस लिएको आरोपमा प्रहरी सहायक निरीक्षक नवीनकुमार झाविरूद्ध अख्तियार दुरूपयोग अनुसन्धान आयोगले विशेष अदालतमा मुद्दा दायर गरेको छ।
ट्राफिक प्रहरी पोष्ट महेन्द्रनगर धनुषामा कार्यरत झाविरूद्ध एक हजार बिगो माग्दै आइतबार अख्तियारले विशेष अदालतमा मुद्दा दायर गरेको हो।
टिपरको सबै कागजात हुँदाहुँदै पनि विभिन्न बहाना बनाएर चालकसँग रकम असुलेको आरोपमा उनी अख्तियारको बर्दिबासस्थित कार्यालयको टोलीद्वारा रंगेहात समातिएका थिए। झाले सेवाग्राहीसँग रकम नदिएमा टिपर चल्न नदिने भनी हजार रुपैयाँ असुलेको अख्तियारले जनाएको छ।