दाङ । घोराही मुलुककै उत्कृष्ट संस्थाकारुपमा घोराही खानेपानी उपभोक्ता तथा सरसफाई संस्था काठमाडौंमा विशेष सम्मान प्राप्त गरेको छ । खानेपानी विभागको ५४ औं वार्षिकोत्सवमा घोराही खानेपानीलाई सम्मानपत्र, दोसल्लासहित विशेष सम्मान गरिएको हो ।
घोराही खानेपानीका कोषाध्यक्ष ध्रुब केसीले संस्थाको तर्फबाट सम्मानपत्र र दोसल्ला ग्रहण गर्नु भएको थियो । घोराही खानेपानी लुम्बीनी, कर्णाली, सुदुरपश्चिममै पहिलो खानेपानी उपभोक्ता संस्थाकारुपमा विभागले विशेष सम्मान गरेको कोषाध्यक्ष ध्रुब केसीले बताउनुभयो । यो सम्मानले घोराही खानेपानी मात्र नभएर यस क्षेत्रले नै सम्मान पाएको महसुस आफुले गरेको कोषाध्यक्ष केसीको भनाइँ छ ।
भर्खरै केही दिन अघिमात्र स्वर्गीय हुनु भएका संस्थाका अध्यक्ष देबीबहादुर डिसीको अथक महेनतले घोराही खानेपानी नेपालकै उत्कृष्ट संस्थामा पर्दै आएको छ । सम्मानपत्र ग्रहण गर्नेक्रममा पनि संस्थाका स्वर्गीय अध्यक्ष देबीबहादुर डिसीको कुसल नेतृत्वदायि भूमिकाकै कारण घोराही खानेपानी सम्मानित संस्थाकारुपमा विकास भएको कोषाध्यक्ष केसीले बताउनुभयो ।
यसैबीच घोराही खानेपानी मुलुककै उत्कृष्ट संस्थाकारुपमा सम्मानित भएकोमा सबै उपभोक्ता एवं घोराहीबासीप्रति संस्थाले कृतज्ञता जाहेर गरेको छ । संस्थाका कार्यबाहक अध्यक्ष भरतमणि पाण्डेय र सचिव धमेन्द्र श्रेष्ठले घोराही खानेपानी उपभोक्ता तथा सरसफाई संस्था सम्मानित भएको अबसरमा सबैलाई धन्यवाद ज्ञापन गर्नु भएको छ । उहाँहरुले यसैगरी सबैको साथसहयोग, समर्थन संस्थाले प्राप्त गरिरहने विश्वास व्यक्त गर्नुभयो ।
