(सागर थापा)
सल्यान माघ ९ जिल्ला प्रहरी कार्यालय सल्यान र सिद्ध कुमाख गाउँपालिकाको सहकार्यमा जनहितमा जारी सुचना र सल्यान जिल्लाका महत्वपुर्ण कार्यालयहरुको आपतकालिन फोन नम्बर सहितको स्टिकर सिद्ध कुमाख गाउँपालिकाका सबै वडाका घर हरूमा टास्ने कार्यक्रमको उद्घाटन भएकाे छ।
कार्यक्रममा सिद्ध कुमाख गाउँपालिका अध्यक्ष चित्र बहादुर चलाउने, जिल्ला प्रशासन सल्यानबाट प्रमुख जिल्ला अधिकारी चुडाराज न्यौपाने, जिल्ला प्रहरी प्रमुख नायव उपरीक्षक ढकेन्द्र खतिवडा, गाउँपालिका उपाध्यक्ष पुष्पा कुमारी बाेहरा, प्रमुख प्रशासकीय अधिकृत चिन्तामणी रेग्मी लगाएत जनप्रतिनिधि, कर्मचारी, र स्थानीय बासिको उपस्थितिमा स्टिकर टास्ने कार्यको सुरुवात गरिएको हो।
आजबाट सुरु भएको यो कार्य गाउँपालिकाको सबै घर घरमा टास्ने र स्टिकरमा भएको जानकारीको बारेमा अवगत गराइनेछ।
त्यस्तै स्टिकरमा महत्वपुर्ण नम्बरहरुको साथमा बालविवाह हगर्न नहुने र गरेको पाइएमा दण्डनिय हुने आत्महत्या गर्नु कायरता भएको कुराकाे समेत जानकारी दिइएको जिल्ला प्रहरी कार्यालय सल्यानका प्रहरी निरीक्षक लक्ष्मण ओलीले जानकारी दिनुभएको छ ।
