दाङ । घोराही माघी पर्व नजिकिए सङ्गै आम उपभोक्ताहरुको स्वच्छ र गुणस्तरीय बस्तुहरुको उपयोग गर्न पाउने अधिकारको रक्षा गर्ने उदेश्यका साथ घोराही उपमहानगरपालिकाले किराना तथा जनरल स्टोरहरुको अनुगमनलाई आज मिति २०८२/०९/२५ गते पनि निरन्तरता दिदै घोराही उपमहानगरपालिकाको संयुक्त बजार अनुगमन टोलीद्वारा बजार क्षेत्रका ब्यस्त क्षेत्रहरु तुल्सीपुर चोक र आसपासका आधा दर्जन बढी किराना पसलहरुमा अनुगमन गरेको छ । त्यस क्रममा ६९८०/- बराबरका विभिन्न म्याद गएका सामानहरु समेत नियन्त्रणमा लिइएको छ । उक्त अनुगमन घोराही उपमहानगरपालिकाको नेतृत्वमा जिल्ला प्रशासन कार्यालय, वडा प्रहरी कार्यालय , उद्योग वाणिज्य संघ , पत्रकार महासंघ, नगरको उपभोक्ता हित संरक्षण शाखा, नगर प्रहरी लगायतका विभिन्न नियमनकारी निकाय तथा समन्वयकारी संघ संस्थाहरुको उपस्थितिमा गरिएको थियो ।
