काठमाडौं । नेपाल प्रहरीका केन्द्रीय प्रहरी प्रवक्ता, प्रहरी नायव महानिरीक्षक श्री अवि नारायण काफ्लेले देशभरका प्रहरी कार्यालयहरूमा प्रवक्ता तथा सूचना अधिकारीको जिम्मेवारीमा रहनुभएका प्रहरी अधिकृतहरूलाई नेपाल प्रहरीका केन्द्रीय प्रवक्ता काफ्लेद्वारा
देशभरका प्रहरी प्रवक्ताहरुलाई Virtual Conference मार्फत निर्देशन, मार्फत आवश्यक निर्देशन दिनुभएको छ।
प्रहरी प्रधान कार्यालयमा आयोजित उक्त कार्यक्रममा उपत्यकास्थित कार्यालयका प्रवक्ता / सूचना अधिकारीहरूको भौतिक उपस्थिति रहेको थियो भने उपत्यका बाहिरका कार्यालयका अधिकृतहरू भर्चुअल रूपमा सहभागी हुनुभएको थियो।
कार्यक्रममा केन्द्रीय प्रहरी प्रवक्ताज्यूले प्रवक्ता / सूचना अधिकारीहरूले आमनागरिक तथा सरोकारवाला निकायहरूसँग सूचना आदान-प्रदान गर्दा सूचनाको हक र गोपनीयताको हकलाई प्राथमिकतामा राखी जिम्मेवारीपूर्ण तथा जवाफदेही रूपमा भूमिका निर्वाह गर्न निर्देशन दिनुभयो। साथै प्रहरी महानिरीक्षकज्यूबाट भएका निर्देशन तथा विभिन्न विभागीय परिपत्रहरूको अक्षरशः पालना गर्नुहुन समेत निर्देशन दिनुभयो।
यसका अतिरिक्त, प्रहरी कर्मचारीहरूले सामाजिक सञ्जालको प्रयोग गर्दा प्रहरी आचारसंहिता पालना गरे / नगरेको सम्बन्धमा नियमित अनुगमन गर्ने र आचारसंहिता उल्लंघन गरेको पाइएमा प्रहरी नियमावली बमोजिम कारवाही प्रक्रिया अगाडि बढाउन समेत उहाँले स्पष्ट पार्नुभयो।
