दाङ । भालुवाङ लालमटिया महाेत्सव उद्घाटनको दोस्रो दिन पुष २६ गते, शनिबार लोकदोहोरी गायिका शान्तिश्री परियार नआएपछि रु एकसयको टिकट काटेर महोत्सवमा पुगेका दर्शकहरु जिल्लै । यसरी महोत्सव आयोजक राप्ती उद्योग वाणिज्य संघ, भालुवाङ पूर्णरूपमा असक्षम सावित भएकाे छ ।
दैनिक कलाकारकाे पाेष्टरमा चर्चित लाेकदाेहाेरी गायिका शान्तिश्री परियार गत पुष २६ गते, शनिबार आउने भनेर व्यापक प्रचार-प्रसार गरियाे । यतिमात्र हाेइन, स्वयं गायिका परियारले आफू २६ गते लालमटिया महाेत्सवमा आउने भनेर विभिन्न सामाजिक सञ्जालबाट भिडियाे सार्वजनिक भएकाे थियाे ।
माैसम खराबीका कारण बहाना बनाएर गायिका परियार आफू महाेत्सवमा आउन नसकेकाे व्यहोरा कार्यक्रमका उद्घाेषक राजेश भण्डारीले प्रत्यक्ष टेलिफाेन संवाद मार्फत दर्शकहरूलाई जानकारी गराएका थिए । उक्त कुराकानीमा आफू २६ गतेकाे साटाे पुस २९ गते, मंगलबार लालमटिया महाेत्सवमा आउने भनेर प्रतिबद्धता पनि जाहेर गरेकी थिइन् ।
तथापि पुस २९ गते, मंगलबार पनि बहुचर्चित लाेकदाेहाेरी गायिका परियार लालमटिया महाेत्सव नआउने पक्कापक्की थाहा हुन आएको छ । कारण, आयाेजकले आज सोमबार नै भाेली २९ गते आउने कलाकारहरूकाे पाेष्टर सार्वजनिक गरिसकेको छ । जस अनुसार त्यसमा गायिका परियारकाे नामको कुनै फेदटुप्पो छैन ।
आयाेजकले यस किसिमले दर्शक झुक्याएर ठगेको भनेर बुझ्नका लागि अब कुनै आइतबार पर्खिनु पर्ला र ? आयाेजकले यसको जवाफ अवश्यै दिनेछ भनेर आशा गरौं ।
नाममा चर्चा पाएका कलाकारहरूकाे नाम बचेर टिकट काट्ने, अनि महाेत्सवमा ती कलाका र नआउने । यस्ताे प्रकारकाे काम सरासर ठगी धन्दा हाे । आयोजकले दर्शकलाई ठगेको छ ।
एक झूटको छिपानेके लिए सौ झूट बोलना पड्ता है, भन्ने हिन्दीमा उखान भएझैँ एकपछि अर्काे झूट बाेलेर महोत्सव आयाेजक राप्ती उद्योग बाणिज्य संघ झन्झन् बिबादको गोलचक्करमा फसिसकेकाे छ । अन्ततः लालमटिया महोत्सवका नाउँमा गाइजात्रा देखायो आयोजकले ।
