(सागर थापा)
बाँके माघ १० कोहलपुरबाट यौन दुराचार प्रयासको आरोपमा एक ब्यक्ति पक्राउ परेका छन । कोहलपुर नगरपालिका वडा नं। ११ स्थित एक होटल संचालकी ११ वर्षिय छोरीलाई यौन दुराचार गरेको आरोपमा उनलाई पक्राउ गरेको प्रहरीले जनाएको छ ।
ईलाका प्रहरी कार्यालय कोहलपुरका प्रहरी प्रमुख डिएसपी कुलदिप चन्दका अनुसार बालिकाको परिवारले दिएको जाहेरीका आधारमा प्रहरीले आरोपीलाई पक्राउ गरी अनुसन्धान पक्रिया अगाडी बढाईएको छ । वालिकाको स्वास्थ्य परिक्षण गरी अनुसन्धानकालागि कानुनी प्रक्रिया सुरु गरीएको चन्दले बताए ।
बेलुका होटलमा खाजा खान आएका ब्यक्तिले वालिकालाई यौनदुराचार गरेको भन्दै वालिकाका परिवारले ईलाका प्रहरी कार्यालय कोहलपुरमा उजुरी दर्ता गराएका थिए । सोही उजुरीका आधारमा अनुसन्धान अगाडी बढाईएको कोहलपुर प्रहरी प्रमुख डिएसपी चन्दले जानकारी दिनुभएको छ ।
