काठमाडौं । राष्ट्रिय स्वतन्त्र पार्टीका सभापति रवि लामिछानेले हालै दिएका अभिव्यक्तिहरूमा उनले मन्त्री बन्न मिडिया ट्रायल गर्नु पर्दैन भन्ने कुरा व्यक्त गरेका छन्।
उनले आफ्ना सांसदहरूलाई सार्वजनिक अभिव्यक्ति दिँदा संयम र जिम्मेवारी अपनाउन कडा निर्देशन दिएका छन्। लामिछानेले हल्का र असावधानीपूर्ण अभिव्यक्तिले जनताको विश्वासमा आँच आउने भन्दै त्यस्ता गतिविधि नगर्न चेतावनी दिएका छन् ।
लामिछानेको यो अभिव्यक्ति उनको सहकारी ठगी र संगठित अपराधसम्बन्धी मुद्दामा धरौटीमा रिहा भएपछि आएको हो। उनको राजनीतिक शैली अझ चर्को, आक्रोशपूर्ण र प्रतिशोधमुखी बन्दै गएको देखिन्छ। यही क्रममा उनका अभिव्यक्ति दलहरू, संसद् र स्थापित राजनीतिक संरचनाप्रति धम्कीपूर्ण र अविश्वासपूर्ण बन्दै गइरहेका छन् ।
