दाङ । लुम्बिनी प्रदेश विपद् व्यवस्थापन गुल्म, तुलसीपुर दाङबाट पाल्नुभएका प्रहरी सहायक निरीक्षक ऐन कुमार थापाज्यूको नेतृत्वमा रहेको दक्ष प्राविधिक टोलीले उक्त प्रशिक्षण प्रदान गरेको हो।
दिउँसो २:०० बजेदेखि ४:०० बजेसम्म सञ्चालित यस कार्यक्रममा विद्यालयका कक्षा ८ देखि १२ सम्मका विद्यार्थीहरू, शिक्षक-शिक्षिका तथा कर्मचारीहरू गरी जम्मा २५० जनाको सक्रिय सहभागिता रहेको थियो।
प्रशिक्षणका मुख्य विषयहरू:
#भूकम्पीय सुरक्षा: भूकम्पको समयमा अपनाउनुपर्ने सावधानी र सुरक्षित रहने उपायहरू।
#आगलागी नियन्त्रण: आगलागी हुँदा तत्काल आगो नियन्त्रण गर्ने व्यावहारिक विधि र ग्यास सिलिन्डरको सुरक्षा।
#प्राथमिक उपचार: आपत्कालीन अवस्थामा घाइतेहरूको उद्धार र तत्काल गरिने प्राथमिक उपचारको अभ्यास।
विपद् जतिबेला पनि आउन सक्ने भएकाले यस्ता व्यावहारिक ज्ञान र पूर्वतयारीले भोलिका दिनमा सम्भावित क्षति कम गर्न ठूलो मद्दत पुग्ने विश्वास विद्यालय परिवारले लिएको छ। हाम्रा विद्यार्थी र शिक्षकहरूलाई यो अमूल्य र जीवनोपयोगी प्रशिक्षण प्रदान गर्नुभएकोमा लुम्बिनी प्रदेश विपद् व्यवस्थापन गुल्मको सम्पूर्ण टोलीप्रति विद्यालय हार्दिक कृतज्ञता तथा धन्यवाद ज्ञापन गर्दछ।
