बाँके । सशस्त्र प्रहरी बल, नेपालका प्रमुख सशस्त्र प्रहरी महानिरीक्षक आईजिपी नारायण दत्त पौडेलद्वारा बाँके बर्दिया स्थित सशस्त्र प्रहरी बलका विभिन्न युनिटहरूको औपचारिक निरीक्षण भ्रमण गर्नुभएको छ ।
निरीक्षणका क्रममा भएका मुख्य कामहरू:
बाँके र बर्दियाका विभिन्न बीओपी, गुल्म र बाहिनी मुख्यालयको स्थलगत निरीक्षण गर्दै सुरक्षा व्यवस्था, ब्यारेक, अभिलेख र हातहतियारको अवस्थाबारे जानकारी लिनुभयो।
आवश्यक निर्देशन खटिएका जवानहरूको मनोबल उच्च राख्दै अनुशासन, जिम्मेवारी र सेवाभावका साथ काम गर्न निर्देशन दिनुभयो। सीमा सुरक्षा, तस्करी नियन्त्रण र विपद् व्यवस्थापनमा थप सक्रिय हुन आग्रह गर्नुभयो।
सरोकारवालासँग अन्तरक्रिया सीमा नाकालाई थप व्यवस्थित, सुरक्षित र प्रविधिमैत्री बनाउने विषयमा जिल्ला सुरक्षा समिति, भन्सार प्रशासन, अध्यागमन र स्थानीय प्रशासनका प्रमुखहरूसँग छलफल गर्नुभयो।
महानिरीक्षक पौडेलको भनाइ:
“सीमा क्षेत्रमा हुने राजश्व चुहावट, अवैध ओसारपसार र अपराध नियन्त्रणका लागि सबै सुरक्षा निकायबीच समन्वय र आधुनिक प्रविधिको प्रयोग आवश्यक छ। सम्पूर्ण नाकालाई स्मार्ट नाकाको रूपमा विकास गर्ने सशस्त्र प्रहरीको योजना छ।”
उहाँले नाकामा हुने चेकजाँचलाई प्रभावकारी बनाउन र जनतालाई सेवा प्रवाहमा सहजता दिन सरोकारवाला सबै निकायलाई आग्रह गर्नुभयो।
