बाँके । डुडुवा गाउँपालिका वडा नं. १ पिपरहवामा रहेको प्रहरी चौकी खडैचामा समुदाय-प्रहरी अन्तरक्रिया कार्यक्रम सम्पन्न गरिएको छ।
जिल्ला प्रहरी कार्यालय, बाँकेबाट खटिई आउनुभएका प्रहरी निरीक्षक श्याम वि.क.को आयोजनामा भएको उक्त कार्यक्रममा डुडुवा गाउँपालिका वडा नं. १ का वडाध्यक्ष, स्थानीय समाजसेवी, बुद्धिजीवी, भद्रभलाद्मी तथा राजनीतिक दलका प्रतिनिधिहरूको उपस्थिति रहेको थियो ।
कार्यक्रममा चोरी निकासी नियन्त्रण, लागूऔषध दुर्व्यसन रोकथाम, बाल विवाह नियन्त्रण, सवारी दुर्घटना न्यूनीकरण तथा शान्ति सुरक्षा कायम गर्ने विषयमा छलफल गरिएको प्रहरी चौकी खडैचाका इन्चार्ज प्रहरी सहायक निरीक्षक कुलबहादुर बिकले जानकारी दिएका छन् ।
