सागर थापा/महेन्द्र सिंह
बाँके फागुन ८ कोहलपुर १२ किलो चरेशसहित एकजना पक्राउ परेका छन् ।
पाँच नंम्बर प्रदेश प्रहरी अनुसन्धान व्यूरोको प्रहरीले बाँकेको कोहलपुर नगरपालिका १२ चपर गौडीबाट एक युवकलाई १२ किलो चरेशसहित नियन्त्रणमा लिएर अनुसंन्धान सुरु गरेको छ ।
प्रदेश प्रहरी अनुसन्धान व्यूरोका प्रमुख प्रहरी निरिक्षक प्रमोद क्षेत्रीको नेतृत्वमा खटेको प्रहरी टोलीले कोहलपुर १२ का ३२ वर्षिय आकाश आरसीलाई बुधबार १२ किलो चरेश सहित नियन्त्रणमा लिएको हो । प्रहरीले युवकको साथबाट पहेलो वस्तुले प्याक गरेको अवस्थामा १२ प्याकेट चरेश बरामद गरेको थियो ।
आवश्यक अनुसंन्धानका लागि बरामद चरेश र आरसीलाई ईलाका प्रहरी कार्यालय कोहलपुरमा बुझाईएको ईलाका प्रहरी कार्यालय कोहलपुरका प्रहरी प्रमुख डिएसपी कुलदिप चन्दले जानकारी दिनुभएको छ ।
