सौराहा : पर्यटनका लागि उपयुक्त मानिएको सिजनमा पर्यटन व्यवसाय सुनसान छ। यहाँका होटल पर्यटकविहीन भएका छन्। कोरोना भाइरसको त्रासले पर्यटन व्यवसाय प्रभावित बनेको छ।
जनवरीदेखि वर्षाअघिको समयलाई पर्यटनको पहिलो सिजनका रुपमा लिइन्छ। अघिल्लो वर्ष यो समयमा ८० प्रतिशत पर्यटक हुन्थे। तर अहिले मुस्किलले १५ प्रतिशत मात्रै पर्यटक छन्। व्यवसायी चिन्तित छन्। सौराहाको होटल सेन्ट्रल पार्कका सञ्चालक श्याम महतले व्यवसाय नाजुक अवस्थामा पुगेको बताए।
होटलमा लगानीको ऋणको भार परेको व्यवसयीको गुनासो छ। ‘बुकिङ भन्दा दिनहुँ क्यान्सिल मात्रै भएको छ’, महतले भने, ‘स्टाफ पाल्न नसक्ने अवस्थामा छांै। सरकारले पर्यटन व्यवसायीका लागि राहत प्याकेज नदिए व्यवसाय नै धरापमा पर्नेछ।’
सौराहा, पटिहानी, जगतपुर र मेघौलीका होटल सुनसान छन्। चितवन आउने पर्यटकमध्ये ४० प्रतिशत चिनियाँ हुन्छन्। कोरोनाभाइरसका कारण चिनियाँ टोली आउन छोडे। अन्य मुलुकका पनि आउन कम भएको छ। अहिले केही आन्तरिक पर्यटकमात्र आएका छन्। भारतीय र युरोपेली पर्यटक फाट्टफुट्ट छन्।
धमाधम बुकिङ रद्द भएको व्यवसायीले बताए। मार्च, अप्रिल र मेसम्म गरिएको बुकिङ रद्द भएको क्षेत्रीय होटल संघका निवर्तमान अध्यक्ष सुमन घिमिरेले बताए।
चितवनमा चरा हेर्न बाह्यपर्यटक आउँछन्। मौसमका कारण पनि चरा हेर्न उपयुक्त हो। चितवन आउने पर्यटकमध्ये चरा हेर्नकै लागि चार प्रतिशत आउँछन्। चराविद् बासु बिडारीका अनुसार यो चरा हेर्ने सिजन हो। जाडो र गर्मी छल्न आउने चरा यो बेला एकैसाथ देखिन्छ। तर चरा हेर्ने पर्यटक आएनन्।

सम्बन्धित

रुपन्देही जिल्लाकै सर्वोत्कृष्ट इन्स्पेक्टर दिवाकर रिजाल प्रहरी घोषित

नेपाल प्रहरीको ५ हजार २२७ जना प्रहरी जवानहरुको पदस्थापन को कहाँ पुगे ?

रोल्पामा आगलागी हुँदा ८० लाख बराबरको क्षति

मोरङ प्रहरीले १७ किलाे गाँजासहित १ जना महिला पक्राउ

अबैध तरिकाले ल्याउदै गरेको रांगा पक्राउ

सशस्त्र प्रहरी बल बियोपी जमुनाहले खसीसहित अवैध सामाग्री पक्राउ